یسوع مسیح کے زندہ آسمان پر اٹھائے جانے کا دن

ایسٹر کے چالیس دن کے بعد جسکو مسیحی لوگ „یسوع مسیح کے زندہ آسمان پر اٹھائے جانے کا دن کہتے ہیں“. یہ دن اس بات کی نشاندھی کرتا ہے کہ جی اٹھنے کے بعد یسوع مسیح زمین پر نہیں رہے۔ بلکہ اپنے شاگردوں کی آنکھوں کے سامنے، وہ واپس اپنے آسمانی باپ کے پاس سیدھے جنت میں جاتے ہیں۔ لوقا رسول اپنی انجیل کی تفصیر کے 24 باب میں اس منظر کو بیان کرتا ہے۔
„پھِر وہ اُنہیں بیتِ عنیاہ کے سامنے تک باہِر لے گیا اور اپنے ہاتھ اُٹھا کر اُنہیں برکت دی۔ جب وہ اُنہیں برکت دے رہا تھا تو اَیسا ہُؤا کہ اُن سے جُدا ہو گیا اور آسمان پر اُٹھایا گیا“۔ (لوقا 24:50-51)

اس موقع سے آگے، یسوع لوگوں کے درمیان دکھائی نہیں دیتے۔ اب وہ جنت میں اپنے باپ کے ساتھ ہیں۔ اور دنیا کے اختتام پر، وہ دوبارا وہاں سے جسمانی صورت میں واپس آئیں گے۔ مگر اپنے آسمان اٹھائے جانے سے اب تک، ہم خداوند یسوع تک دعا کے ذریعے رسائی حاصل کر سکتے ہیں۔
یسوع اپنے پیچھے چلنے والوں کو زمین پر اکیلا نہیں چھوڑ گئے۔ بلکہ وہ ہم سب کے لیے اپنی روح القدس کو بھیجتے ہیں جسکے ذریعے وہ ہر ایک ایماندار کی زندگی میں اپنی حضوری کو ظاہر کرتا ہے۔ مسیحی لوگ روح القدس کے نزول اور اس کے ہمارے درمیان رہنے کے تہوار کو بھی مناتے ہیں۔ جس کو „پینتیکوست“ کے نام سے جانا جاتا ہے۔